Jinowa, Pero Hindi Nilambing.

Jinowa, pero hindi nilambing. 

You’ve heard about “nilambing pero hindi jinowa” at malamang may kakilala lubhang nabiktima ng ganitong modus operandi. Madami nang post patungkol sa kanila, at marahil nabigyan na sila ng consolation sa kanilang karupukan. This time, pag-usapan naman natin ang mga taong lumuluha nang palihim sa kabila ng kanilang katatagan. Sila ang mga jinowa, pero hindi nilambing.

Possible ba yun? Oo naman! Sila ang mga taong hindi napupunan ang love tank dahil hindi nae-express ng partner nila ang love language nila. They are loved, but they don’t feel loved. Marahil hindi lang nagma-match at nagme-meet ang wavelengths of expectations and expressions of love between the couple. 

Buti na lang may consolation para sa kanila: una, may jowa na sila. Hindi na sila counted sa mga nagpopost ng mga bitter statuses and memes sa Facebook. Pangalawa, they can still improve on their relationship blunders. Kung hindi nagme-meet ang expectations and reality ng relationship, pwede naman gawan ng paraan, di ba?

This post is heavily based on the Five Love Languages of Love by Gary Chapman. I recommend you to read that if you want to discover your own love language and how you can impact the lives of others by also speaking their love language.

These love languages speak of your personality. You express yourself through this language and you feel loved when people speak your love language. Below are the five love languages. Identify mo kung alin ang sa’yo dyan.

Words of Affirmation. 

Mas malakas ang dating ng mga matatamis na salita at mga pangako. Gustong-gusto mo na pinupuri ka, inaappreciate ang mga ginagawa mo, at kapag sinasabihan ka ng “I love you”. Kaya naman sobrang tinatago mo ang mga love letters na bigay sayo crush mo nung Grade 3. Words are magical – it energizes you and fills your love tank.

Likewise, kapag may nabanggit na masakit na salita, umiiyak ka agad. Mabilis kang magdamdam. Eto pa ang matindi: para kang siopao na konting bola-bola lang na special ka, asado ka na agad. Bumibigay ka na. Ganyan ka karupok. Kaya ingat ka.

Acts of Service. 

Action speaks louder than words para sa’yo. Mas mapapatunayan mo na totoo ang love kapag pinagsisibak ka ng kahoy, pinag-iigib ka ng tubig, or kung masyadong old school yan, kapag binibili ka ng specific milk tea from MoA kahit sa Bulacan ka nakatira at siya ay sa Pasig pa. Mas napupuno ang love tank mo kapag nagbibigay siya ng effort to help you.

Gayundin, kapag pakiramdam mong puro lang siya regalo, puro lang siya yakap at lambing, puro lang I love you, pero hindi naman nagpapakita ng effort, it doesn’t count. Yung ibang mister na pahila-hilata lang sa sofa habang nanonood ng TV o nagmo-mobile legends, tapos ikaw nagluluto? Nakow. Hahaha. Basta, alam mo na yun.

Receiving Gifts. 

Mas tangible ang gusto mo to feel loved. Hindi ka naman materialistic, pero material things mean a lot, no matter the amount. Kasi it speaks of effort, at di ba sabi nila, “it’s the thought that counts”. Kapag nakakatanggap ka ng regalo, it only implies na naiisip ka niya. You feel valued kasi out of a person’s schedule, nag-stop siya to prepare a gift para sayo. Ayiee, ang haba ng hair.

Pero be careful kasi madali ang magbigay ng gift, but without any value at all. Evaluate mo rin. Inlab na inlab ka na dahil araw-araw kang may JCo at sunflower from Guy 1 pero si Guy 2 nag-eeffort sayo through acts of service or quality time, pero hindi mo napapansin masyado kasi sunflower biscuits at sunflower seeds lang ang kayang ibigay sayo. Sige ka, baka ma-label ka as user-friendly or hoarder.

Quality Time. 

When a person spends his time with you, sobrang appreciated mo kasi alam mong he is giving you something valuable, at hindi na pwedeng ibalik. The best gift for you is quality time, kahit di kayo masyadong magkausap pero magkasama kayong manood ng sine, magkasamang kumain at sabay na tumataba. Pinakagusto mong moment: yung naiipit kayo sa gitna ng traffic kasi mas matagal mo siyang makakasama.

Pero kapag nawawala ang time, medyo nagdadamdam ka na. No amount of gifts or sweet messages mean anything kung wala namang oras para sayo ang tao. Marami na ang umiyak dahil dito. Busy kasi si partner sa work, sa school, or sa ibang tao kaya nawawalan ng oras. Sadlyf.

Physical Touch. 

Dito magiging careful ako dahil ayokong mamis-interpret. A person with physical touch as love language longs to have healthy touch from people. When I say healthy yung mga akbay, high-fives, hugs and even holding hands na non-sexual. May power ang healthy human touch, kasi it boosts confidence na may karamay ka sa buhay at may aalalay sayo. Kaya from time to time, we need a little tap on the back from people.

Unless you’re married, just be careful not to use this love language as an excuse for unhealthy physical touches. Pero if you’re married, hug mo naman yung spouse mo. After a tiring day, human warmth takes the stress away. Just be wise about it.

Perhaps kaya may mga taong ang pakiramdam kahit may jowa na sila ay hindi sila nilalambing ay dahil may mga ganitong eksena:

• Words of affirmation ang hinahanap ng isa, pero puro regalo ang binibigay ng isa. Ni hindi man lang ina-appreciate na bagong rebond si girl dinadaan lang sa mga regalo. Hindi kasi expressive si guy kaya ayun, hindi full ang love tank ni girl.
• Clingy si girl. Gusto niya lagi silang magkasama ni guy. Kaso sobrang busy si guy sa work. Ang daming ganap. Kaya naman hanggang video call at texts lang ang kaya niyang ibigay for the meantime. Sweet naman si guy sa text at video call. Kaso for the girl, it’s never enough. Never, never.
• Gustong gusto ni girl na pinagluluto niya si guy, kaso si guy gusto ay extended moments na nagkukwentuhan sila about faith, life and love. Nauubos ang oras ni girl sa pagluluto, si guy naman kakahintay matapos sa pagsisilbi si girl.

Ilan lang yan sa mga scenario. Pero kaunting understanding lang at adjustments between the couple, no more “jinowa, pero hindi nilambing”. Next time, I’ll share my learnings from the book how to address these differences. Orayt!